<$BlogRSDUrl$>

Vores hjemmeside

fimmtudagur, júlí 22, 2004

Jæja nýja síðan klár.  www.skuladottir.blogspot.com
Tékkið á þessu og fullt af nýjum myndum á myndasíðunni..
Hrabba

miðvikudagur, júlí 21, 2004

Jæja..
Allt vitlaust að gera.  Kerlingin búin að vera að sauma gardínur í allan dag.  Saumavélin að gera gott mót og auðvitað ég líka..   Svo er ég búin að vera rosa dugleg að setja inn myndir á myndasíðuna mína, fullt af myndum úr brúðkaupinu og frá Tyrklandi.  Og það sem meira er gestabókin er komin í lag aftur og commentin þannig að Hrabbý og Eivor geta haldið keppninni áfram.  Það voru nú bara nánast tár og læti hjá þeim þegar allt hrundi..  Keppnisandinn að drepa þær..   En allavega þá er linkur hér til hliðar en annars er slóðin:  http://public.fotki.com/9877
Og endilega munið að kvitta fyrir ykkur það er nú svo langt síðan það var skrifað síðast..
Svo er ný síða á leiðinni og munu systur mínar hjálpa mér að skrifa inn á hana, allavega Dagný á reyndar eftir að tala við Drífu en hún hefur nú svo sem ekki mikið annað að gera..
Svo verð ég nú að segja frá því að garðurinn minn er að gera þvílíkt gott mót og ekki skemmir þráðlaust internet fyrir.  Ekki slæmt að vera nettengd í sólbaði..  Svo var Viktor að taka garðinn í gegn á dag þannig að þetta er orðið rosa fínt hjá okkur..  Svo verð ég að minnast á þvílíkt gestapláss sem við höfum þannig að ef einhver á leið framhjá þá er alltaf hægt að stoppa hjá okkur...
Jæja verð að fara að koma mér í háttinn...
Knús knús

mánudagur, júlí 12, 2004

Eins og flestir hafa tekið eftir þá hefur ekki verið skrifað inn á síðuna lengi þar sem systurnar eru komnar út um allt.. Helga er nú þegar komin með nýtt blogg: www.blog.central.is/helgatorfa

Ég er að mana mig upp í að halda þessari vitleysu áfram og ætla ég að reyna að fá alvöru systur mínar þær Dagnýju og Drífu með mér í Úllablogg... Sé til hvernig þær taka þessu..

Annars er kerlingin bara gift og ætla ég að fara að vinna í að setja myndir úr brúðkaupinu inn á myndasíðuna mína..

Kveðja
hrabba

föstudagur, maí 28, 2004

Leikurinn er víst klukkan 16:00 en ekki 16:15.

Svo ætla ég aðeins að monta mig af systur minni þar sem hún er alger snillingur. Hún var í dag að flytja fyrirlestur um rannsóknarritgerð sína í læknisfræði ásamt bekkjasystkinum sínum og gekk bara vel. En síðan í kokktailboði sem var eftir það þá voru tveimur nemendum afhent 35 þús. kr. verðlaun fyrir verkefni sín með því skilyrði að þau færu út á einhverja ráðstefnu til að kynna þau. Og hún systir mín rústaði þessu auðvitað og fékk verðlaun. Alger snilli!!!

mánudagur, maí 24, 2004

Bara að láta ykkur vita en ég er loksins komin með gsm númer og það er 6976993, ekki svo slæmt. Nú er bara að setja það í símanúmerabókina og svo auðvitað hringja í mig.
Svo ætla ég að minna alla á að á laugardaginn erum við landsliðsstelpurnar að fara að spila á móti Tékkum og leikurinn er í Ásgarði og byrjar klukkan 16:15. Ég fyrirgef allavegana ekki vinkonum mínum ef þær láta ekki sjá sig á leiknum. Áfram Ísland

fimmtudagur, maí 20, 2004

Jæja... við erum nú ekki búnar að vera allt of duglegar að skrifa. Það er auðvitað búið að vera brjálað að gera hjá okkur undanfarið. Erum á fullu að æfa með landsliðinu fyrir Tékkaleikina en heimaleikurinn verður á laugardaginn 29.maí og ég hvet alla til að koma og styðja okkur. Síðan er útileikurinn viku seinna í Tékklandi klukkan 10:30 að morgni, hvað er eiginlega málið!!! Ég er svo heppin að vera alger morgunhani svo ég hef ekki áhyggjur af mér en annað er að segja um suma!!! Ég byrjaði síðan í nýrri vinnu um daginn á MT-stofunni og það er rosa fínt, pínu stress en það lagast. Í gær var síðan hið árlega HSÍ hóf og ég dreif mig heim eftir vinnu til að punta mig og síðan lá leiðin til Gyðu og þar voru allar víkingsstelpurnar í góðum fíling. Eftir að hafa síðan kíkt við í Víkinni lá leiðin á Hótel Ísland. Ég skemmti mér bara vel þó að það sé alltaf öðruvísi þegar maður hefur ekki verið að spila heima. Vonandi fer bráðlega allt að skýrast hvar ég verð næsta ár þannig að ég þurfi ekki lengur að vera að svara endalausum spurningum sem ég er orðin frekar leið á. Ég læt ykkur allavegana vita.

fimmtudagur, maí 13, 2004

Verð nú að segja að þessi klaki hérna er alveg að drepa mig. Eruð þið ekkert að grínast með kuldann hérna.. Þetta er alveg rosalegt, nýkomin úr 20 stiga hita í Holstebro í þennan hrikalega kulda. En það jákvæða við klakan er án efa að það er farið að selja drykkinn Póló aftur en aðeins í Bónus.. Þvílík snilld, fyrir þá sem eru ekki alveg með þá er þetta drykkurinn sem var alltaf í bláu dósunum frá Sanitas.. Bara snilld snilld...
Þetta var skrifað á þriðjudaginn en vegna smá þráðlausra vandamála er þetta fyrst birt núna..
Þetta er búin að vera mjög viðburðaríkur dagur hjá okkur mæðgum. Við erum farnar frá manninum/pabbanum okkar og sjáum við hann ekkert aftur fyrr en eftir 4 vikur. Okkur finnst það alltof langur tími. En hann á örugglega eftir að sakna okkar meira þar sem við höfum allavega fjölskyldurnar okkar á Íslandinu. Við lögðum af stað með lestinni kl. 07.03 í morgun og sátum þar í tæpa 5 tíma. Þar tókst okkur að slasa unga konu, mjög eðlilegt. Haldið að taskan mín hafi ekki dottið ofan á hana. Ég segi nú næstum sem betur fer því hún hefur eflaust bjargað rauðvíninu mínu sem var í töskunni. En greyið konan sem fékk þessa þungu tösku ofan á sig. Ég spratt auðvitað á fætur (auðvitað til að tékka á töskunni) og spurði hvort að það væri allt í lagi með hana. Nei nei byrjaði konu greyið ekki bara gráta. Þetta hafði sem sagt verið mjög vont og ég stóð þarna auðvitað alveg eins og fífl.. Hvað gat ég gert? Sem betur fer byrjuðu einhverjar kerlingar að tala við hana þannig að ég gat laumað mér burt.. En konugreyið labbaði allavega sjálf út úr lestinni, við fögnum því.. Og ég fagna auðvitað mest því að rauðvínið slapp... En flugferðin okkar gekk ágætlega, hefði gengið aðeins betur ef Viktoría hefði borðað aðeins minna magn af súkkulaði..
En aðeins að boltanum... Það er búin að vera mjög mikil umfjöllun í Danmörku um úrslitaleikinn í kvennaboltanum en Slagelse (lið Önju Andersen) tókst að tapa úrslitaleiknum á móti Viborg. Þær fóru taplausar í gegnum deildina og eru komnar í úrslit í CL, búnar að vera yfirburðarlið í allan vetur og úrslitaleikirnir virtust ekki ætla að verða spennandi því Slagelse vann fyrsta leikinn með 10 mörkum.. Viborg vann svo annan leikinn með einu marki eftir að línumaðurinn þeirra (Olga Assink) skoraði sigurmarkið á síðustu sekúndum leiksins af 12 metra færi með undirskoti. Tryggði þeim sem sagt hreinan úrslitaleik sem Viborg vann svo með 2 mörkum eftir að hafa verið 6 mörkum undir í hálfleik.. En geðsjúklingurinn Anja Andersen er sem sagt búin að gefa það út að hún hafi tapað viljandi (rosalega líklegt). Allt auðvitað vitlaust enda auðvitað alveg út í hött að koma með eitthvað svona. En hvað hafði hún fyrir sér í þessu?? Jú jú besti leikmaðurinn hennar tognaði í upphitun en spilaði samt sem áður allan fyrri hálfleikinn. Hún ákvað svo að hvíla hana allan seinni hálfleikinn til að spara hana fyrir CL úrslitaleikinn en leikmaðurinn sjálfur (Bojana Petrovic) bað ítrekað um að koma inná aftur. En ekki það að þessi leikmaður eigi að skipta svo miklu máli því þær eru auðvitað með fullt af frábærum leikmönnum og frekar mikil niðurlæging fyrir alla hina leikmennina þegar þjálfarinn segist hafa tapað leiknum viljandi því að hún vildi ekki nota Bojönu. En þetta er auðvitað bara Anja í hnotskurn..
En jæja verð nú aðeins að spara mig, er alveg að tapa mér í skrifunum.. Kveð í bili..

This page is powered by Blogger. Isn't yours?