<$BlogRSDUrl$>

Vores hjemmeside

föstudagur, maí 28, 2004

Leikurinn er víst klukkan 16:00 en ekki 16:15.

Svo ætla ég aðeins að monta mig af systur minni þar sem hún er alger snillingur. Hún var í dag að flytja fyrirlestur um rannsóknarritgerð sína í læknisfræði ásamt bekkjasystkinum sínum og gekk bara vel. En síðan í kokktailboði sem var eftir það þá voru tveimur nemendum afhent 35 þús. kr. verðlaun fyrir verkefni sín með því skilyrði að þau færu út á einhverja ráðstefnu til að kynna þau. Og hún systir mín rústaði þessu auðvitað og fékk verðlaun. Alger snilli!!!

mánudagur, maí 24, 2004

Bara að láta ykkur vita en ég er loksins komin með gsm númer og það er 6976993, ekki svo slæmt. Nú er bara að setja það í símanúmerabókina og svo auðvitað hringja í mig.
Svo ætla ég að minna alla á að á laugardaginn erum við landsliðsstelpurnar að fara að spila á móti Tékkum og leikurinn er í Ásgarði og byrjar klukkan 16:15. Ég fyrirgef allavegana ekki vinkonum mínum ef þær láta ekki sjá sig á leiknum. Áfram Ísland

fimmtudagur, maí 20, 2004

Jæja... við erum nú ekki búnar að vera allt of duglegar að skrifa. Það er auðvitað búið að vera brjálað að gera hjá okkur undanfarið. Erum á fullu að æfa með landsliðinu fyrir Tékkaleikina en heimaleikurinn verður á laugardaginn 29.maí og ég hvet alla til að koma og styðja okkur. Síðan er útileikurinn viku seinna í Tékklandi klukkan 10:30 að morgni, hvað er eiginlega málið!!! Ég er svo heppin að vera alger morgunhani svo ég hef ekki áhyggjur af mér en annað er að segja um suma!!! Ég byrjaði síðan í nýrri vinnu um daginn á MT-stofunni og það er rosa fínt, pínu stress en það lagast. Í gær var síðan hið árlega HSÍ hóf og ég dreif mig heim eftir vinnu til að punta mig og síðan lá leiðin til Gyðu og þar voru allar víkingsstelpurnar í góðum fíling. Eftir að hafa síðan kíkt við í Víkinni lá leiðin á Hótel Ísland. Ég skemmti mér bara vel þó að það sé alltaf öðruvísi þegar maður hefur ekki verið að spila heima. Vonandi fer bráðlega allt að skýrast hvar ég verð næsta ár þannig að ég þurfi ekki lengur að vera að svara endalausum spurningum sem ég er orðin frekar leið á. Ég læt ykkur allavegana vita.

fimmtudagur, maí 13, 2004

Verð nú að segja að þessi klaki hérna er alveg að drepa mig. Eruð þið ekkert að grínast með kuldann hérna.. Þetta er alveg rosalegt, nýkomin úr 20 stiga hita í Holstebro í þennan hrikalega kulda. En það jákvæða við klakan er án efa að það er farið að selja drykkinn Póló aftur en aðeins í Bónus.. Þvílík snilld, fyrir þá sem eru ekki alveg með þá er þetta drykkurinn sem var alltaf í bláu dósunum frá Sanitas.. Bara snilld snilld...
Þetta var skrifað á þriðjudaginn en vegna smá þráðlausra vandamála er þetta fyrst birt núna..
Þetta er búin að vera mjög viðburðaríkur dagur hjá okkur mæðgum. Við erum farnar frá manninum/pabbanum okkar og sjáum við hann ekkert aftur fyrr en eftir 4 vikur. Okkur finnst það alltof langur tími. En hann á örugglega eftir að sakna okkar meira þar sem við höfum allavega fjölskyldurnar okkar á Íslandinu. Við lögðum af stað með lestinni kl. 07.03 í morgun og sátum þar í tæpa 5 tíma. Þar tókst okkur að slasa unga konu, mjög eðlilegt. Haldið að taskan mín hafi ekki dottið ofan á hana. Ég segi nú næstum sem betur fer því hún hefur eflaust bjargað rauðvíninu mínu sem var í töskunni. En greyið konan sem fékk þessa þungu tösku ofan á sig. Ég spratt auðvitað á fætur (auðvitað til að tékka á töskunni) og spurði hvort að það væri allt í lagi með hana. Nei nei byrjaði konu greyið ekki bara gráta. Þetta hafði sem sagt verið mjög vont og ég stóð þarna auðvitað alveg eins og fífl.. Hvað gat ég gert? Sem betur fer byrjuðu einhverjar kerlingar að tala við hana þannig að ég gat laumað mér burt.. En konugreyið labbaði allavega sjálf út úr lestinni, við fögnum því.. Og ég fagna auðvitað mest því að rauðvínið slapp... En flugferðin okkar gekk ágætlega, hefði gengið aðeins betur ef Viktoría hefði borðað aðeins minna magn af súkkulaði..
En aðeins að boltanum... Það er búin að vera mjög mikil umfjöllun í Danmörku um úrslitaleikinn í kvennaboltanum en Slagelse (lið Önju Andersen) tókst að tapa úrslitaleiknum á móti Viborg. Þær fóru taplausar í gegnum deildina og eru komnar í úrslit í CL, búnar að vera yfirburðarlið í allan vetur og úrslitaleikirnir virtust ekki ætla að verða spennandi því Slagelse vann fyrsta leikinn með 10 mörkum.. Viborg vann svo annan leikinn með einu marki eftir að línumaðurinn þeirra (Olga Assink) skoraði sigurmarkið á síðustu sekúndum leiksins af 12 metra færi með undirskoti. Tryggði þeim sem sagt hreinan úrslitaleik sem Viborg vann svo með 2 mörkum eftir að hafa verið 6 mörkum undir í hálfleik.. En geðsjúklingurinn Anja Andersen er sem sagt búin að gefa það út að hún hafi tapað viljandi (rosalega líklegt). Allt auðvitað vitlaust enda auðvitað alveg út í hött að koma með eitthvað svona. En hvað hafði hún fyrir sér í þessu?? Jú jú besti leikmaðurinn hennar tognaði í upphitun en spilaði samt sem áður allan fyrri hálfleikinn. Hún ákvað svo að hvíla hana allan seinni hálfleikinn til að spara hana fyrir CL úrslitaleikinn en leikmaðurinn sjálfur (Bojana Petrovic) bað ítrekað um að koma inná aftur. En ekki það að þessi leikmaður eigi að skipta svo miklu máli því þær eru auðvitað með fullt af frábærum leikmönnum og frekar mikil niðurlæging fyrir alla hina leikmennina þegar þjálfarinn segist hafa tapað leiknum viljandi því að hún vildi ekki nota Bojönu. En þetta er auðvitað bara Anja í hnotskurn..
En jæja verð nú aðeins að spara mig, er alveg að tapa mér í skrifunum.. Kveð í bili..

miðvikudagur, maí 12, 2004

Nuna erum vid allar komnar heim. Vid byrjudum ad æfa med landslidinu a manudaginn og sidan eigum vid ad spila vid dani um helgina. En eg er nu meiri klaufabardurinn thvi ad eg missteig mig svo illa a aefingu i gaer ad eg er komin a hækjur. Eg er sem betur fer ekki brotin en tognadi bara mjog illa. Thannig ad nuna hangi eg bara heima med annann fotinn upp i loft. En annars er allt gott ad fretta eg er a fullu i samrædum vid tvo norsk lid og thad skyrist liklega a næstu 10 dogum hvad eg geri. Svo verdur madur liklega endalaust i heimsoknum a næstu dogum thar sem thad er svo langur timi sidan madur hitti alla. Eg er allavegana ad fara ad hitta saumaklubbinn minn a manudaginn og svo er audvitad hofid a midvikudag. Svo fekk eg vist bref um daginn thar sem verid var ad boda til reunions ur retto og thad er audvitad sett a sama kvold og hofid. En ætli hofid verdi nu ekki fyrir valinu.
Eg ætla nuna ad skella mer upp i sofa og horfa a 24.

sunnudagur, maí 09, 2004

Líf og fjör í Holstebro.... Það var aldeilis tekið á því í gær.. Sektarsjóðspartý sem byrjaði á golfi um daginn sem hefði verið mjög skemmtilegt ef að veðurguðirnir hefðu leyft það en nei nei þeir voru ekki alveg í stuði og ákváðu bara að hella yfir okkur vatni. Það voru líka margir ,,snillingarnir" á golfvellinum og tókst einum þeirra að fara eina holuna á 22 höggum. Sá leikmaður stefnir á landsmótið eftir 2 ár.. Þannig að þið getið rétt ímyndað ykkur biðina á holunum. Greyið allir golfararnir sem komu á eftir þessum 17 handboltagellum. Þeir gerðu lítið annað en bíða.. En eftir golfið var haldið heim og allir í fínu dressin og svo var mæting niður í miðbæ. Þegar þangað var komið var okkur skipt niður í 3 hópa og lenti ég m.a með henni Helgu minni í hóp ásamt þremur öðrum.. Við áttum að fara inn á ,,Skipperinn" hér í Holstebro, setjast niður og fá okkur allavega þrjá drykki.. Við áttum að falla inn í umhverfið og kynnast fastakúnnunum sem voru auðvitað allir mjög huggulegir.. Við fengum bara klukkutíma til að leysa verkefnið og svo áttum við að gera leikrit um ævintýrið seinna um kvöldið. Við byrjuðum auðvitað að sturta niður drykkjum og svo þurftum við nú að koma okkur að verki og kynnast huggulega fólkinu.. Við komum okkur sjálfum virkilega á óvart því þetta endaði með því að við náðum að draga nokkra kúnna út í bjórboðhlaup (þetta með að hlaupa, klára bjórinn og hlaupa svo 10 hringi í kringum flöskuna áður en maður kemur tilbaka). Spáið í það ef maður myndi nú afreka þetta á Skippernum niður í bæ... Svo leystum við leikritið auðvitað mjög vel.. Kvöldið heppnaðist bara vel og allir auðvitað hressir og kátir...
Hanna, Inga Fríða og Kristín fóru svo í lestina í morgun kl.7, mishressar...... Þannig að þær verða komnar heim á klakann um miðjan dag í dag... Helga fer svo á morgun og ég og Viktoría á þriðjudaginn.. Okkur er farið að hlakka mikið til...
Handboltinn er sem sagt búinn og endaði þetta allt með tapi í tveimur leikjum þannig að við náðum ekki að komast upp í úrvalsdeild.. Það skýrist allt á næstu dögum hvar við allar endum en það er ýmislegt í gangi þessa dagana..
En jæja verð að fara að sinna elskulegri dóttur minni...
Bið að heilsa í bili...

fimmtudagur, maí 06, 2004

Jæja ... eg var i heimsokn hja Hrobbu um daginn og vid vorum i tolvunni og eg fekk næstum sjokk hvad hun er med marga til ad tala vid a msn. Tho ad thad se nu oraunhæft ad bera sig saman vid hana tha ætla eg ad bidja tha sem vilja spjalla vid mig og eru ekki med mig a msn ad setja mig inn (helgatorfadottir@hotmail.com). Eg er nefnilega ekki med svo marga og thad er nu kominn timi til ad heyra sludur annarsstadar fra.

þriðjudagur, maí 04, 2004

Sorgardagur í Holstebro!!! Hann Steini okkar fór heim til Íslands í morgun og hans verður sko sárt saknað. Í gærkveldi fórum við allir Íslendingarnir út að borða til að kveðja karlinn og ég segi stolt frá því að ég feldi ekki eitt tár þegar ég kvaddi hann. Ég segi þetta því að það er alltaf verið að dizza mig yfir því að ég væli alltaf þegar eitthvað æðislegt gerist, t.d. þegar Viktor bað Hröbbu o.fl. Bíðið bara þangað til að þið giftið ykkur stelpur þá er sko eins gott að það verði til nóg af servíettum.
En annars verður maður víst að segja frá því að við töpuðum fyrsta leiknum okkar í umspilinu á sunnudaginn með heilum 11 mörkum og það þarf varla að segja frá því að við vorum mjög slakar. Síðan er leikur númer tvö á fimmtudaginn hérna í Holstebro og þá er að duga eða drepast fyrir okkur.
Annars er mikið framundan hjá okkur en því miður get ég ekki sagt frá því strax......

laugardagur, maí 01, 2004

Hún Hrabba mín er alger snillingur. Áðan reddaði hún nefnilega miðum á Pixies, ekki slæmt. Þannig að þetta verður algert tónlistasumar þar sem ég er að fara á Placibo, Pixies og Metallicu.
Síðasta miðvikudag var stelpukvöld hjá okkur þar sem nauta- og svínalundir voru á boðstólnum og gómsæt súkkulaði kaka með ís í eftirmat. Þar var auðvitað mikið blaðrað eins og okkur er einum lagið en því miður var samt ekkert djúsí slúður. Þannig að ef þið hafið eitthvað svoleiðis fyrir okkur þá megið þið endilega senda okkur póst.

This page is powered by Blogger. Isn't yours?